Dette er første billedserie frå "Jul i Rosendal". Det kjem fleire etterkvart... mellom anna frå engleutstillinga. (Foto: Bjarne Øymyr)

Sjåast igjen 26.- 27.- 28. november 2010

Jul i Rosendal 2009 er no overstått og vi vil drista oss til å kalla arrangementet ein stor suksess, trass i varierande ver.

Jul i Rosendal vil takka alle som har vore med på å gjera arrangementet vellukka. Utan sponsorar og støttespelarar ville det ikkje vore mogleg å få til noko slikt som dette. Store investeringar var naudsynt for å få på plass 25 salsboder, vi vil derfor takka alle som har vore med å sponsa arrangementet. Vi vil også takka for utlån av område. Vidare vil vi takka Kvinnherad vidaregåande skule som ha bygd bodene.

Eit stort arbeid er lagt ned i planleggigingsfasen og vi vil takka alle som har bidrege i planlegginga og utføringa av arrangementet med salsboder, program, utstillarar, dekorering, utstilling, marknadsføring, reiseliv og økonomi.

For å få til eit arrangement som ”Jul i Rosendal” er vi heilt avhengig av at folk stiller på dugnad. Vi har opplevd ein formidabel dugnadsinnsats hos lokalbefolkninga. Alle påstandar om at dugnadsgleda er utdøyande, har under arrangementet ”Jul i Rosendal” blitt gjort til skamme. Vi vil retta ei stor takk til alle dugnadsfolk som var med å rigga opp og ned salsboder, vaska og klargjera lokala, gå vakt under arrangementet og selja lodd. Vidare vil vi takka målarklubben som opna opp kunstverkstaden og arrangerte juleverkstad for borna, og elles alle som hjalp til med eventyrforteljing, spikkring av fuglakassar og ljosstøyping. Takk til Reidunn og Torkjell Nerhus som opna opp for gardsbesøk.

Vi vil takka alle har stilt opp med flotte bidrag som har letta arbeidet for oss.

Takk til for lån av Skaalurensamlinga, husmormuseet og turistinformasjonen. I andre høgda hadde vi ein fantastisk utstilling med gjenbruksenglar. Tusen takk til Omvikdalen skule, Malmanger skule, Seglem barnehage og Rosendal barnehage for fantastiske englar til utstillinga og takk til Borghild Skeie for flott inspirasjonskurs i forkant av utstillinga.

Takk for stor velvilje i samband med julebåten.

Sist men ikkje minst - takk til alle store og små som kom til Jul i Rosendal og gjorde dette til ei stor oppleving. Med ei slik dugnadsånd, optimisme og oppmøte som vi har opplevd under førebuingane og avviklinga av arrangementet, gledar vi oss til å planlegga neste års ”Jul i Rosendal”

Med helsing Styringsgruppa i Jul i Rosendal:
v/ Turid L. Hillesland, Margreta Hus Ripel, Marianne Hovda Gausvik, Asbjørn Soltveit og Linda Øen

Den gode gamle julestemninga!

(torsdag 26.11.09)

Ingenting kan stoppa Jul i Rosendal! Dei siste par dagane har det oppstått det ein kan kalla ein vind-vind-situasjon, og kanskje regn-regn-situasjon med. Men det har ikkje lagt noko dempar på stemininga.

Torsdag kveld opna ordførar Synnøve Solbakken det heile. Juletreet vart tent, og vi fekk vakker korsong frå Rosendal songlag og flotte juletonar frå Rosendal musikklag. Fleire hundre hadde møtt fram trass i veret. Smilande menneskje overalt. Dei spiste julegraut, gjekk på englautstilling, høyrde på musikk og ikkje minst handla julegåver. Tekstilvarar, trehandverk, kristorn og mykje anna fekk bein å gå på.

Dette kan berre bli betre. Vermeldingane er gode, og det vert juleverkstad og kino og utstillingar og mykje anna. Meir informasjon finn du på utstillarlista og programmet.

Les om bakgrunnen for Jul i Rosendal