Full aktivitet i underetasjen på Varehusparkeringen. No gjeld det å få på plass den siste kabalen. Utstillaransvarleg Marian har orden i sysakene.

Trebodene flyttar innomhus

Så kom det – ruskeveret. Det er ikkje å nekta for at her både bles det og dryp frå oven. Men det stoppar ikkje Jul i Rosendal. Her har SMSane foke kring øyrene og folk har stillt opp for å hjelpa til. I morgo er alt klart for å ta imot både publikum og utstillarar. Og det innomhus.

God stemning

Aktivitetsnivået er høgt, men det er og stemninga. Ei stund såg det nemleg rimelig mørkt ut, men gode idear og folk med velvilje har bokstaveleg talt redda marknaden. Utstillarane er no plassert i fleire hus og bygningar. Du finn 1 utstillar i Turisthotellet, 6 i blådøra, 9 i Sago og 22 treboder plassert i underetasjen på varehusparkeringen og triveleg blir det. Både granbar og ljos kjem på plass til marknaden opnar klokka 13 i morgon fredag ved kultursjef Kristian Bringedal.

Kom og opplev hjarteutstilling, kjoledesign, måleriutstilling, postkortutstilling og trefigurutstilling, samt eventyrforteljing, juleverkstad, fuglekassesnikring, ljosdypping, hestaskyss med meire. 30 utstillarar med både kortreis mat og kunsthandverk og sjølvsagt kjem nissen, og det blir julasongar, musikk og mykje meir….